వేములవాడపైవిచారణకు బాబు నో

హైదరాబాద్‌ః కరీంనగర్‌ జిల్లా వేములవాడ సమీపంలోని కొడుముంజ గ్రామంలో బుధవారం జరిగినపేలుళ్ళ సంఘటనపై జుడిషియల్‌ విచారణ జరిపించాలనే ప్రతిపక్షాల డిమాండ్‌ ను ప్రభుత్వం త్రోసిపుచ్చింది. ఇందుకు బాధ్యులైన వారిని కఠినంగా శిక్షిస్తామని, ఇటువంటి సంఘటనలు పునరావృతం కాకుండా చర్యలు తీసుకుంటామని ప్రభుత్వం హామీ ఇచ్చింది. డైనమైట్లు తరలిస్తుండగా ప్రమాదవశాత్తి అవిపేలి 12 మంది మరణించడం, 40 ఇల్ళు కూలిపోయినవిషయం విదితమే.

వేములవాడ, సిరిసిల్ల మండలాల్లో తీవ్రమై నీటి కొరత వుంది. బావులు తవ్వేందుకు వేరే దారిలేక అక్రమ మార్గాల ద్వారా వచ్చే ఈ డైనమెట్లను ఆశ్రయిస్తున్నట్లు స్థానికులు చెప్పారు. నీటికొరత తీర్చేందుకు ప్రభుత్వం చర్యలు తీసుకోవలసిందిగా స్థానికులు వచ్చిన నాయకులందరికీ మొరపెట్టుకున్నారు. కుగ్రామంలో 40 ఇళ్ళు కూలిపోవడం, 12 మంది మరణించడంతో అక్కడ శ్మశాన వాతావరణం నెలకొంది. బాధితులకు ప్రభుత్వం 25 కిలోల బియ్యం, 500 నగదు తాత్కాలిక సాయంఅందించింది.