ఎం.పి.ల స్వాహాపై స్తంభించినఅసెంబ్లీ

హైదరాబాద్‌ః వరంగల్‌, హన్మకొండ పార్లమెంటు సభ్యులు ఎం.పి. నిధులను దుర్వినియోగం చేస్తున్నారనే అంశంపై అసెంబ్లీ అరగంటకుపైగా స్తంభించిపోయింది. వరంగల్‌ ఎం.పి. చాడ సురేష్‌ రెడ్డి, హన్మకొండ ఎం.పి. టి. వెంకటేశ్వర్లు ఎం.పి.ల నిధులను దుర్వినియోగం చేశారంటూ ఇటీవల ఒక దినపత్రిక ఫోటోలతో సహా ప్రచురించింది. ఈ అంశం శుక్రవారం అసెంబ్లీలో ప్రస్తావనకు వచ్చింది. ఈ వ్యవహారంపై కాంగ్రెస్‌, తెలంగాణా రాష్ట్ర సమితి ప్రవేశపెట్టిన వాయిదా తీర్మానాన్ని స్పీకర్‌ ప్రతిభా భారతి త్రోసిపుచ్చారు. దీంతో కాంగ్రెస్‌, టిఆర్‌ఎస్‌ సభ్యుల ఆగ్రహం కట్టలు తెంచుకుంది.

అవినీతి ఆరోపణలు వచ్చినపేపర్‌ కటింగ్స్‌ ను చూపిస్తూ కాంగ్రెస్‌, టిఆర్‌ఎస్‌ సభ్యులుఅసెంబ్లీ కార్యక్రమాలను అడ్డుకున్నారు. కోట్లాది రూపాయల ప్రజా ధనం దుర్వినియోగం అవుతున్నఅంశంకంటే ప్రధానమైన అంశాలు ఏమున్నాయంటూ ప్రతిపక్షాలు ఆగ్రహం వ్యక్తం చేశాయి. పలు కీలకవిషయాలు చర్చించాల్సి వున్నప్పటికీ సభ్యులు ఈవిషయంపై మొండికేయడం పట్ల స్పీకర్‌ ప్రతిభా భారతి ఒక దశలో ఆగ్రహం వ్యక్తం చేశారు. ఈఅంశాన్ని ఎప్పుడు చర్చించాలనే విషయంపై తరవాత ఒక నిర్ణయం తీసుకుంటానని ఆమె హామీ ఇవ్వడంతో సభ్యులు శాంతించారు.