దేశంను ఓడించడమే లక్ష్యం కావాలి

హైదరాబాద్‌ః చంద్రబాబు నాయుడు సారధ్యంలోని తెలుగుదేశం పార్టీని ఓడించడమే రాష్ట్ర కాంగ్రెస్‌ నేతలందరి లక్ష్యం కావాలని ఎఐసిసి సభ్యుడు రవి సూచించారు. రెండురోజులుగా రాష్ట్రంలో పర్యటిస్తున్న రవి ఆదివారం నాడు కాంగ్రెస్‌ కమిటీ సమావేశంలో ప్రసంగించారు.

మనలో మనం తగవులాడుకోవడం వల్ల శతృవు మరింత బలపడుతున్నాడని ఆయన అభిప్రాయ పడ్డారు. తెలుగుదేశం పార్టీ క్రమంగా ప్రజల్లో ఆదరణ కోల్పోతున్నదని ఈ తరుణంలో మనం విభేదాలువిస్మరించి కలిసికట్టుగా పోరాడితే ఆ పార్టీని మట్టికరిపించడం తేలికని ఆయన అన్నారు. ఈ సమావేశంలో సిఎల్‌.పి. నేత వై.ఎస్‌. రాజశేఖర రెడ్డి, పిసిసి నేత ఎమ్మెస్సార్‌, రాష్ట్ర కాంగ్రెస్‌ పార్టీకి చెందినపలువురు సీనియర్‌ నాయకులు పాల్గొన్నారు.

వెఎస్‌ చేస్తున్న ఉచిత విద్యుత్‌ హామీతో రవి ఏకీభవించారు.విద్యుత్‌ రంగంలోని వైఫల్యాలు, పనికిఆహార పధకంలో జరుగుతున్న లోపాలను ఆధారంగా చేసుకొని తెలుగుదేశం పార్టీని చిత్తుచేయాలని రవి ఉద్భోదించారు. స్థానిక పార్టీలతో చెలిమివిషయంలో స్థానిక నాయకత్వమే ఒక నిర్ణయం తీసుకోవాలని ఆయన సూచించారు.