నేను అలా అనలేదు: అద్వానీ

న్యూఢిల్లీ: గత యాభై కాలంలో దేశంలో ఉత్తమ ముఖ్యమంత్రిగా నరేంద్ర మోడినిపేర్కొనలేదని ఉప ప్రధాని ఎల్‌. కె. అద్వానీ స్పష్టం చేశారు. ఆయితే మత హింసను ఎదుర్కోవడంలో గుజరాత్‌ ముఖ్యమంత్రి నరేంద్ర మోడి సమర్థంగా వ్యవహరించారని అని అన్నట్లు ఆయన తెలిపారు.

గత యాభై యేళ్లలో పలు ప్రాంతాల్లో పలు ఘర్షణలు జరిగాయి, నరేంద్ర మోడి లాగా వాటిని ఎదుర్కున్న ముఖ్యమంత్రి ఉన్నట్లు నాకు కనిపించలేదు అని తాను బుధవారం రాజ్యసభలో అన్నట్లు అద్వానీవివరించారు. ఈ విషయం చెప్పే సందర్భంలో ప్రభుత్వం తీసుకున్న చర్యల గురించి లెక్కలతో చెప్పాలనుకున్నానని ఆయన అన్నారు. గత యాభై యేళ్లలో నరేంద్ర మోడి వంటి ముఖ్యమంత్రి లేరని తాను అన్నట్లు వచ్చిన వార్తలో నిజం లేదని ఆయన స్పష్టం చేశారు.