తూర్పు రైల్వే విభజన యథాతధం

న్యూఢిల్లీ: తూర్పురైల్వే జోన్‌ విభజన నిర్ణయానికే కట్టుబడి ఉండాలని కేంద్ర మంత్రి వర్గం నిర్ణయించింది. తూర్పురైల్వే విభజనను వ్యతిరేకిస్తూ జాతీయ ప్రజాస్వామ్య కూటమి (ఎన్‌డిఎ) మిత్రపక్షం తృణమూల్‌ కాంగ్రెస్‌ నేత మమతా బెనర్జీ హెచ్చరికలు చేసిన నేపథ్యంలో జోన్‌ విభజన నిర్ణయాన్ని సమీక్షించడానికి సోమవారం మంత్రి వర్గం సమావేశమైంది.

తూర్పు రైల్వే విభజన జరగాల్సిందేనంటూ బీహార్‌కు చెందిన రాష్ట్రీయ జనతా దళ్‌ నేతలతో పాటు ఎన్‌డిఎ మిత్రపక్షమైన సమతా పార్టీ కూడా పట్టుబడుతున్నాయి. ఈ నేపథ్యంలో తూర్పురైల్వే జోన్‌ను విభజించాలనే నిర్ణయాన్ని ఉపసంహరించుకోకూడదని మంత్రి వర్గం నిర్ణయించింది. ఇప్పుడు తృణమూల్‌ కాంగ్రెస్‌ ఒత్తిడికి తలొగ్గితే భవిష్యత్తులో కూడా ఇటువంటి ఒత్తిళ్లే రావచ్చునని,అందువల్ల నిర్ణయాన్ని మార్చుకోకపోవడమే మంచిదని మంత్రి వర్గం భావించినట్లు సమాచారం.