ఒమర్‌ ఓటమి- ఎన్‌సికి ఎదురుదెబ్బ

శ్రీనగర్‌: కేంద్ర మంత్రి, నేషనల్‌ కాన్ఫరెన్స్‌ ముఖ్యమంత్రి అభ్యర్థి, ప్రస్తుత ముఖ్యమంత్రి ఫరూఖ్‌ అబ్దుల్లా కుమారుడు ఒమర్‌ అబ్దుల్లా ఓటమి పాలయ్యారు. గండేర్‌బాల్‌ నియోజకవర్గంలో ఆయన తన సమీపపీపుల్స్‌ డెమొక్రటిక్‌ పార్టీ (పిడిపి) అభ్యర్థి ఖాజీ మొహ్మద్‌అఫ్జల్‌ చేతిలో 3,690 ఓట్ల తేడాతో ఘోర పరాజయాన్ని చవి చూశారు. తన ఓటమి తప్పదకున్న అబ్దుల్లా ఓట్ల లెక్కింపు పూర్తి కాక ముందే ఓట్లను లెక్కిస్తున్న కేంద్రం నుంచి వెళ్లిపోయారు.

ఆయన తన పార్టీ నేషనల్‌ కాన్ఫరెన్స్‌ను కూడా గెలుపుబాటలో నడిపించలేకపోయారు. ఫరూఖ్‌ అబ్దుల్లా నుంచి ఆయన ఇటీవలే పార్టీ పగ్గాలు చేపట్టారు. ఇప్పటి వరకుఅందిన ఫలితాల ప్రకారం నేషనల్‌ కాన్ఫరెన్స్‌16సీట్లను మాత్రమే గెల్చుకుంది. కాంగ్రెస్‌అత్యధిక సీట్లను గెల్చుకునే దిశగా పయనిస్తోంది.కాంగ్రెస్‌ 14 సీట్లను గెల్చుకుంది. పలు సీట్లలో ఆధిక్యతలో కొనసాగుతోంది. బిజెపి రెండుసీట్లలో విజయం సాధించగా, పీపుల్స్‌ డెమొక్రటిక్‌ పార్టీ (పిడిపి) ఇప్పటి వరకు రెండుసీట్లు గెల్చుకుంది. అయితే పలు నియోజకవర్గాల్లో ఈ పార్టీ అభ్యర్థులు ఆధిక్యతలో కొనసాగుతున్నారు. ఇతరులు13 సీట్లు దక్కించుకున్నారు.