విద్యార్ధినిపై అత్యాచారం జరిపిన టీచర్ సస్పెన్షన్

సంగారెడ్డి: మెదక్ జిల్లా నారాయణఖేడ్ జిల్లా పరిషత్ ఉన్నత పాఠశాలలో పదో తరగతి చదువుతున్న విద్యార్థినిపై అత్యాచారానికి పాల్పడిన హెడ్ మాస్టర్ సైమన్ ను ప్రభుత్వం సస్పెండ్ చేసింది. విద్యార్థినిని అతను మూడు రోజులు నిర్బంధించి ప్రధానోపాధ్యాయుడు సైమన్ అత్యాచారం చేశాడు. ఈ మేరకు ఆ అమ్మాయి తల్లిదండ్రులతో జిల్లా సూపరింటిండెంట్ ఆర్.పి. నాయక్ ను కలిసి ఫిర్యాదు చేసిన విషయం తెలిసిందే.

ఎస్పీకి చేసిన ఫిర్యాదు ప్రకారం - సైమన్ బాలికను గత నాలుగు నెలలుగా బెదిరిస్తున్నాడు. మానసికంగా వేధిస్తున్నాడు. చివరికి ఈ నెల 18వ తేదీ నుంచి మూడు రోజులపాటు సైమన్ బాలికను తన సోదరి ఇంట్లో నిర్బంధించి ఆమెపై అత్యాచారం చేశాడు. పెళ్లి చేసుకుంటానని నమ్మ బలికాడు. అయితే చివరకు పెళ్లికి నిరాకరించి, ఎంతో కొంత ముట్టజెప్పి వదిలించుకునే ప్రయత్నం చేశాడు.