గణతంత్ర పెరేడులో బతుకమ్మ

న్యూఢిల్లీ: జనవరి 26వ తేదీ గణతంత్ర దినోత్సవ సందర్భంగా జరిగే పరేడులో రాష్ట్రం నుంచి బతుకమ్మ శకటాన్ని ప్రదర్శించనున్నారు. ప్రతి ఏడాది రాష్ట్రం నుంచి ఏదో ఒక శకటాన్ని ప్రదర్శించడం సంప్రదాయం. ఈసారి బతుకమ్మ శకటాన్ని ప్రదర్శించనున్నారు. ఈ శకటం నమూనాను రాష్ట్ర ప్రభుత్వ ప్రత్యేకాధికారి వేణుధర్ రెడ్డి ఢల్లీలో ప్రదర్శించారు.

తాము తయారు చేసిన శకటం నమూనాను ప్రదర్శనకు ప్రభుత్వం అంగీకరించిందని ఆయన చెప్పారు. గ్రామీణ వాతావరణాన్ని ప్రతిబింబించే విధంగా ఈ శకటాన్ని రూపొందించినట్లు ఆయన తెలిపారు. బతుకమ్మ పండుగ తెలంగాణ ప్రాంతంలో విశేషమైంది. ప్రకృతి నుంచి లభించే పూలను సేకరించి బతుకమ్మను పేర్చి మహిళలు ఒక చోట వాటిని పెట్టి పాటలు పాడుతూ వాటి చుట్టూ తిరుగుతూ బతుకమ్మ ఆడుతారు.