మద్దతు ధరలపై దేశవ్యాప్త ర్యాలీలు: బాబు

న్యూఢిల్లీ: పంటలకు కనీస మద్దతు ధరల కోసం దేశవ్యాప్తంగా ర్యాలీలు నిర్వహిస్తామని యుఎన్ పిఎ నాయకుడు, తెలుగుదేశం పార్టీ అధ్యక్షుడు నారా చంద్రబాబునాయుడు చెప్పారు. మద్దతు ధరల కోసం తమ ఆందోళనను ఉధృతం చేస్తామని ఆయన సోమవారం మీడియా ప్రతినిధుల సమావేశంలో చెప్పారు.

ఈ నెల 28వ తేదీన మహారాష్ట్రలోని ఔరంగాబాదులో, ఫిబ్రవరి 2వ తేదీన జార్ఖండులోని రాంచీలో, ఫిబ్రవరి 11వ తేదీన హర్యానాలో ర్యాలీలు నిర్వహించనున్నట్లు ఆయన తెలిపారు. తమ ర్యాలీల్లో పాల్గొనాలని ఆయన సిపిఐ, సిపియంలను కోరారు. చంద్రబాబుతో పాటు ఇతర యుఎన్ పిఎ నేతలు సిపియం ప్రధాన కార్యదర్శి ప్రకాశ్ కరత్ ను కలుసుకున్నారు. వరికి వేయి రూపాయల మద్దతు ధర లభించేలా చూడాలని చంద్రబాబు కరత్ ను కోరారు.