గవర్నర్ పదవికి కృష్ణ రాజీనామా

బెంగుళూర్: మహారాష్ట్ర గవర్నర్ పదవికి ఎస్.ఎం. కృష్ణ రాజీనామా చేయనున్నారు. ఆయన తన రాజీనామా లేఖను బుధవారం సాయంత్రం రాష్ట్రపతి ప్రతిభా పాటిల్ కు సమర్పిస్తారు. ప్రతిభా పాటిల్ ను కలిసి ఆయన తన రాజీనామా లేఖను సమర్పిస్తారు. ఈ విషయాన్ని బెంగుళూర్ లోని పిటిఐ వార్తా సంస్థ తెలియజేసింది.

కర్ణాటక శాసనసభ ఎన్నికలు జరుగుతాయనే సంకేతాలు అందిన నేపథ్యంలో ఆయన గవర్నర్ పదవికి రాజీనామా చేయాలనుకోవడం ప్రాధాన్యం సంతరించుకుంది. కర్ణాటక ఎన్నికల్లో ఆయన కాంగ్రెస్ ప్రచారానికి నాయకత్వం వహిస్తారని భావిస్తున్నారు. గతంలో ముఖ్యమంత్రిగా పనిచేసిన ఆయన మరోసారి ముఖ్యమంత్రి పదవి చేపట్టే ఆలోచనలో ఉన్నట్లు ప్రచారం జరుగుతోంది.