ఐరోపాకు చిరు స్పార్క్ మీట్స్

బ్రిష్టల్: అమెరికాలో, కెనడాలో ఇప్పటి వరకు జరిగిన స్పార్క్ సమావేశాలు ఐరోపాకు కూడా వ్యాపించాయి. యుకెలోని బ్రిష్టల్ లో ఈ నెల 8వ తేదీన స్పార్క్ సమావేశం జరుగుతుందని ప్రొ తెలుగు ఆర్గ్ మీడియా కార్యదర్శి రావ్ సిద్ధం ఒక ప్రకటనలో తెలియజేశారు.ఈ సమావేశానికి ఐరోపాలోని పలువురు ఎన్నారైలు, చిరంజీవి హాజరవుతారని ఆయన చెప్పారు. స్పార్క్ వ్యవస్థాపకుల్లో ఒకరైన డాక్టర్ ఎపి విఠల్ ఈ సమావేశానికి హాజరయ్యే ఎన్నారైలను ఉద్దేశించి విజయవాడ నుండి టెలీ కాన్ఫరెన్స్ లో మాట్లాడ్తారు.

అదే రోజు అమెరికాలోని జార్జియాలోని అట్లాంటాలో జరిగే మరో స్పార్క్ సమావేశానికి రాష్ట్రం నుంచే కాకుండా పొరుగు రాష్ట్రాల నుండి కూడా ఎన్నారైలు, చిరంజీవి అభిమానులు హాజరవుతారు. ఈ కార్యక్రంలో డాక్టర్ కె. రఘునాథ్ ప్రసంగిస్తారని కార్యక్రమ సమన్వయకర్త మధు టాటా తెలిపారు. చిరంజీవి రాజకీయ ప్రవేశాన్ని కోరుతూ గతంలో అమెరికాలో పలు చోట్ల సమావేశాలు నిర్వహించి, ఆంధ్రప్రదేశ్ లో మహాయాత్ర నిర్వహించారు.