రాజకీయాల్లోకి వస్తా: బాలకృష్ణ

హైదరాబాద్: తాను రాజకీయాల్లోకి వస్తానని, అయితే ఏ హోదాలో వస్తాననేది ఇంకా నిర్ణయించుకోలేదని సినీ నటుడు బాలకృష్ణ చెప్పారు. కాలమే ఆ విషయాన్ని నిర్ణయిస్తుందని ఆయన చెప్పారు. వచ్చే ఎన్నికల్లో తెలుగుదేశం పార్టీ తరఫున ప్రచారం చేస్తానని ఆయన చెప్పారు. తన జన్మదినం సందర్భంగా ఆయన మంగళవారంనాడు ఒక ప్రైవేట్ టీవీ చానెల్ కు ఇచ్చిన ఇంటర్వ్యూలో తన అభిప్రాయాలను వెల్లడించారు.

ప్రస్తుతానికైతే ప్రజాహిత కార్యక్రమాలను పెంచుతామని, తమ తల్లి పేరు మీద ఏర్పడిన బసవతారం మెమోరియల్ ట్రస్టు కార్యకలాపాలను పెంచుతామని ఆయన చెప్పారు. కోర్టుకు సంబంధించిన వ్యవహారాలన్నీ పరిష్కారమయ్యాయని ఆయన చెప్పారు. తెలుగు ప్రజల ఆత్మగౌరవాన్ని నలుచెరుగులా వ్యాపింపజేసిన తమ తండ్రి స్ఫూర్తితో పని చేస్తామని ఆయన చెప్పారు.