బలపరీక్షకు చంద్రబాబు డిమాండ్

ఏలూరు: వామపక్షాలు మద్దతు ఉపసంహరించుకున్న నేపథ్యంలో కేంద్ర ప్రభుత్వం బలపరీక్షను ఎదుర్కోవాలని తెలుగుదేశం పార్టీ అధ్యక్షుడు నారా చంద్రబాబునాయుడు డిమాండ్ చేశారు. ఎన్నికలు ఎప్పుడొచ్చినా ఎదుర్కోవడానికి తాము సిద్ధంగా ఉన్నామని ఆయన చెప్పారు. పశ్చిమ గోదావరి జిల్లాలో మీ కోసం యాత్ర చేస్తున్న చంద్రబాబు మంగళవారం మీడియా ప్రతినిధులతో మాట్లాడారు. ప్రపంచమంతా అమెరికా అధ్యక్షుడు బుష్ ను వ్యతిరేకిస్తుంటే మన ప్రభుత్వం అణు ఒప్పందానికి సిద్ధమైందని ఆయన అన్నారు.

అణు ఒప్పందం మంచిచెడుల గురించి తాను మాట్లాడడం లేదని, ప్రభుత్వం ఎందుకు అణు ఒప్పందంపై తొందరపడుతున్నదనే విషయమే తాను మాట్లాడుతున్నానని ఆయన అన్నారు. అణు ఒప్పందంపై జాతీయ స్థాయిలో చర్చ జరగాల్సి ఉందని, అటువంటి చర్చేమీ లేకుండా ఒప్పందానికి ముందుకు పోవడం సరైంది కాదని ఆయన అన్నారు.