IND vs NZ: చివరి ఓవర్లలో అసలైన ట్విస్ట్.. కివీస్‌పై టీమిండియా థ్రిల్లింగ్ విక్టరీ!

IND vs NZ: క్రైస్ట్‌చర్చ్‌లో న్యూజిలాండ్‌ జట్టుతో జరిగిన తొలి టీ20లో భారత జట్టు 4 వికెట్ల తేడాతో ఘన విజయం నమోదు చేసింది. 226 పరుగుల లక్ష్య ఛేదనలో న్యూజిలాండ్‌పై భారత్ తన అత్యధిక టీ20 స్కోరును నమోదు చేసింది. దీంతో భారత జట్టు 1-0 ఆధిక్యం సాధించింది. ఇంత భారీ లక్ష్యాన్ని సులువుగా కనిపించేలా చేసి స్టార్ క్రికెటర్లు సంజు శాంసన్, శ్రేయస్ అయ్యర్ భారత విజయంలో కీలక పాత్ర పోషించారు. మరోవైపు చివరి ఓవర్లలో నమన్ ధీర్ అద్భుతంగా మ్యాచ్‌ను ముగించాడు.

225 పరుగులు చేసిన న్యూజిలాండ్
మ్యాచ్‌లో ముందుగా బ్యాటింగ్ చేసిన న్యూజిలాండ్ 4 వికెట్ల నష్టానికి 225 పరుగులు చేసింది. టాస్ ఓడిపోయి మొదట బ్యాటింగ్ ఎంచుకున్న న్యూజిలాండ్‌కు టిమ్ సీఫెర్ట్, ఫిన్ అలెన్ పటిష్టమైన ఆరంభాన్ని అందించారు. వీరిద్దరూ కలిసి తొలి వికెట్‌కు 49 పరుగులు జోడించారు. సీఫెర్ట్ 17 బంతుల్లో 24 పరుగులు చేసి ఔటయ్యాడు. అతను తన ఇన్నింగ్స్‌లో మూడు ఫోర్లు, ఓ సిక్స్ కొట్టాడు. ఫిన్ అలెన్ కేవలం 24 బంతుల్లోనే 45 పరుగుల శక్తివంతమైన ఇన్నింగ్స్ ఆడాడు. ఫిన్ అలెన్ తన ఇన్నింగ్స్‌లో 5 ఫోర్లు, 2 సిక్సర్లు కొట్టాడు. డారిల్ మిచెల్ మంచి ఆరంభాన్ని సద్వినియోగం చేసుకోలేక 19 బంతుల్లో 28 పరుగులు చేసి ఔటయ్యాడు. అర్ష్‌దీప్ సింగ్ బౌలింగ్‌లో మిచెల్ పెవిలియన్‌కు చేరాడు.

ఆ తర్వాత గ్లెన్ ఫిలిప్స్, బెవాన్ జాకబ్స్ బాధ్యతలు స్వీకరించి నాలుగో వికెట్‌కు కేవలం 32 బంతుల్లోనే 73 పరుగుల అద్భుత భాగస్వామ్యం నెలకొల్పారు. బెవాన్ జాకబ్స్ 3 సిక్సర్ల సహాయంతో 16 బంతుల్లో 31 పరుగులు చేసి రనౌట్ అయ్యాడు. అద్భుతంగా బ్యాటింగ్ చేసిన గ్లెన్ ఫిలిప్స్, 27 బంతుల్లోనే తన అర్ధశతకాన్ని పూర్తి చేసుకున్నాడు. గ్లెన్ ఫిలిప్స్ 40 బంతుల్లో 82 పరుగుల అజేయ ఇన్నింగ్స్ ఆడాడు.

ఘోరంగా దెబ్బతిన్న భారత బౌలర్లు
ఈ ఇన్నింగ్స్‌లో గ్లెన్ ఫిలిప్స్ 205 స్ట్రైక్ రేట్‌తో ఆడి 8 ఫోర్లు, 3 సిక్సర్లు కొట్టాడు. మరోవైపు మైఖేల్ బ్రేస్‌వెల్ 7 పరుగులతో నాటౌట్‌గా నిలిచాడు. భారత్ తరఫున అర్ష్‌దీప్ సింగ్, మయాంక్ యాదవ్, అక్షర్ పటేలా తలా ఓ వికెట్ తీసుకున్నారు. అయితే భారత బౌలర్లందరూ ధారాళంగా పరుగులు ఇచ్చారు. నాలుగేళ్ల తర్వాత జట్టులోకి తిరిగి వచ్చిన భువనేశ్వర్ కుమార్ 4 ఓవర్లలో 49 పరుగులు ఇవ్వగా.. అర్ష్‌దీప్ సింగ్ కూడా 45 పరుగులు ఇచ్చాడు. అక్షర్ పటేల్ 4 ఓవర్లలో 51 పరుగులు ఇవ్వగా, నితీష్ కుమార్ రెడ్డి వికెట్ తీయకుండా 40 పరుగులు ఇచ్చాడు.

English summary

IND vs NZ 1st T20, India secures a sensational 4-wicket win over NZ in 1st T20I chasing 226 runs. Sanju Samson, Shreyas Iyer, and Naman Dhir shine in record run-chase.