ప్రధానితో ముఖేష్ అంబానీ భేటీ

న్యూఢిల్లీ: ప్రముఖ పారిశ్రామికవేత్త, రిలయన్స్ ఇండస్ట్రీస్ చైర్మన్ ముఖేష్ అంబానీ సోమవారం ప్రధాని డాక్టర్ మన్మోహన్ సింగ్ ను కలిశారు. తన సోదరుడు అనిల్ అంబానీకీ అమర్ సింగ్ తో సన్నిహిత సంబంధాలు ఉండడంతో యుపిఎకు సమాజ్ వాదీ పార్టీ మద్దతు ఇస్తున్న నేపథ్యంలో తనపై వ్యతిరేక ప్రభావం పడుతుందని వార్తలు వెలువడుతున్న నేపథ్యంలో ఆయన ప్రధానిని కలిశారు.

ప్రధానికి, ఆయనకు మధ్య జరిగిన సంభాషణ వివరాలు తెలియరాలేదు. ముఖేష్ అంబానీ సోమవారం సాయంత్రం 7 గంటలకు కాంగ్రెస్ అధ్యక్షురాలు సోనియా గాంధీని కూడా కలుస్తారు. దానికి ముందు ఆయన సాయంత్రం 4 గంటలకు ప్రధాని ప్రిన్సిపల్ కార్యదర్శి టికెఎ నాయర్ ను, 5 గంటలకు పెట్రోలియం శాఖ మంత్రి మురళీ దేవరాను కలుస్తారు.