పాక్ లో రెండు బాంబు పేలుళ్ళు ...15మంది మృతి

ఇస్లామాబాద్: వరసగా జరుగుతున్న బాంబు పేలుళ్ళతో పాకిస్ధాన్ ప్రజలకు కంటి మీద కునుకు కరవైంది. రెండు రోజుల క్రితం జరిగిన ఆత్మాహుతి దాడితో పదుల సంఖ్యలో ప్రజలు ప్రాణాలు కోల్పోయారు. ఈ రోజు కూడా ఇస్లామాబాద్ సమీపంలోని వాహ్ కంటోన్మెంట్ ప్రాంతంలో రెండు బాబు పేలుళ్ళు జరిగాయి. ఈ ఘటనలో 15 మంది ప్రాణాలు కోల్పోయారు. 40 మంది కి గాయాలయ్యాయి. రావుల్పిండి కంటోన్మెంట్ ప్రాంతంలోని ఆర్డినెన్స్ ఫాక్టరీ బయిట ఇద్దరు వ్యక్తుల ఆత్మాహుతి దాడికి పాల్పడటంతో చాలామంది అక్కడకక్కడే నేలకొరిగారని ప్రత్యక్ష్య సాక్షుల కథనం.