చిరు భద్రతకు మధ్యప్రదేశ్ ఏజెన్సీ

హైదరాబాద్: మెగాస్టార్ చిరంజీవి భద్రకు ప్రత్యేక ఏర్పాట్లు జరిగాయి. ఆయన భద్రతను చూసే బాధ్యతను మధ్యప్రదేశ్ కు చెందిన ఒక ఏజెన్సీకి అప్పగించినట్లు సమాచారం. చిరంజీవి భద్రతా ఏర్పాట్లను ఆయన సోదరుడు పవన్ కళ్యాణ్ పర్యవేక్షిస్తున్నారు. ప్రత్యేక వాలంటీర్లను కూడా నియమించారు. తిరుపతిలోని అవిలాల సభా వేదిక వద్దకు చిరంజీవి చేరుకోవడానికి ప్రత్యేక మార్గాన్ని ఏర్పాటు చేశారు. 3 వేల మంది పోలీసులు, మరో 3 వేల మంది చిరంజీవి వాలంటీర్లు ఆయన భద్రతను చూస్తున్నారు. చిరంజీవి ఈ సాయంత్రమే చిరంజీవి తిరుపతికి చేరుకునే అవకాశం ఉంది.

చిరంజీవి ఒక్కరే తిరుపతి సభలో ప్రసంగిస్తారు. పార్టీ పేరును, గుర్తును, విధివిధానాలను ఆయన ఈ వేదిక ద్వారా ప్రకటిస్తారు. ప్రజారాజ్యం అని గానీ, ప్రజాపార్టీ అని గానీ పార్టీ పేరును ఖరారు చేసినట్లు సమాచారం. పీపుల్స్ పార్టీ అనేది కూడా ప్రచారంలో ఉంది. పార్టీ గుర్తు ఉదయించే సూర్యుడని అంటున్నారు. ఈ గుర్తు తమిళనాడులోని డిఎంకెకు ఉంది. బస్సుల్లో, రైళ్లలో తిరుపతి సభకు అభిమానులు చేరుకుంటున్నారు.