చిరుతో పొత్తుకు రాజ్ నాథ్ ఆరా

న్యూఢిల్లీ: ప్రజారాజ్యం పార్టీ వ్యవస్థాపక నేత చిరంజీవితో పొత్తుకు అవకాశాలపై భారతీయ జనతా పార్టీ (బిజెపి) కేంద్ర నాయకత్వం పరిశీలన జరుపుతోంది. చిరంజీవితో పొత్తు పెట్టుకుంటే కలిగే లాభనష్టాలపై బిజెపి జాతీయాధ్యక్షుడు రాజ్ నాథ్ సింగ్ ఆరా తీస్తున్నారు. దీనిపై నివేదిక ఇవ్వాలని ఆయన పార్టీ రాష్ట్రాధ్యక్షుడు బండారు దత్తాత్రేయను ఆదేశించినట్లు సమాచారం.

చిరంజీవి తాను రాజకీయాల్లో ప్రవేశిస్తున్నట్లు విలేకరుల సమావేశంలో ప్రకటించిన తర్వాత బిజెపి అగ్రనేత ఎల్.కె. అద్వానీకి ఫోన్ చేసిన విషయం తెలిసిందే. అప్పుడే ఈ ఇరు పార్టీల మధ్య పొత్తుపై చర్చకు దారితీసింది. రాష్ట్రంలో కాంగ్రెస్ ను ఓడించడానికి అవసరమైన ఫార్ములా ఒకటి తయారవుతున్నట్లు సమాచారం. తెలుగుదేశం, తెలంగాణ రాష్ట్ర సమితి (తెరాస)ల మధ్య కూడా పొత్తుకు పాదులు పడినట్లు అర్థమవుతూనే ఉంది.