జగన్ ఇంటి వద్ద పోలీసు మృతి

కడప: కడప జిల్లాలోని పులివెందులలో గల ముఖ్యమంత్రి డాక్టర్ వైయస్ రాజశేఖర రెడ్డి తనయుడు వైయస్ జగన్మోహన్ రెడ్డి ఇంటి ముందు తుపాకి పేలి ప్రకాశ్ అనే ఎపిఎస్పీ కానిస్టేబుల్ మృతి చెందాడు. ఈ దుర్ఘటన బుధవారం తెల్లవారుజామున నాలుగు గంటల ప్రాంతంలో జరిగింగి. తుపాకీ మిస్ ఫైర్ కావడంతో ఈ ప్రమాదం సంభవించింది. జగన్ ఇంటి నద్ద పది మంది పోలీసులు కాపలాకు నియమితులయ్యారు. వీరిలో ప్రతి రోజు ఇద్దరేసి సెలవులో ఉంటారు. మంగళవారం రాత్రి కూడా ఎనిమిది మంది కాపలా ఉన్నారు. వారంతా వరండాలో పడుకున్నారు.

వర్షం రావడంతో వారంతా లోనికి వెళ్లడానికి తొందర పడ్డారు. ఈ సమయంలో తుపాకీ మిస్ ఫైర్ అయింది. ముఖ్యమంత్రి తనయుడి కావడంతో కాపలా పోలీసుల తుపాకులు ఎప్పుడూ లోడ్ చేసి ఉంటాయి. సంఘటన గురించి తెలిసిన వెంటనే ముఖ్యమంత్రి ఫోన్ లో వాకబు చేశారు. జగన్ కూడా మాట్లాడారు. ప్రకాశ్ కు భార్య, కూతురు, కుమారుడు ఉన్నారు. వారు పులివెందుల వచ్చారు.