దుబాయ్ లో 10 మంది ఆంధ్రుల మృతి

హైదరాబాద్: దుబాయ్ లో జరిగిన అగ్నిప్రమాదంలో పది మంది తెలుగువాళ్లు మరణించారు. ఈ ప్రమాదంలో మొత్తం 20 మంది చనిపోయారు. వీరిలో పది మంది తెలుగు వాళ్లు. వీరంతా కరీంనగర్, నిజామాబాద్ జిల్లాలకు చెందినవారని సమాచారం. వీరిలో 9 మంది కరీంనగర్ జిల్లాలోని మల్లాపూర్, మెట్ పల్లి మండలాలకు చెందివారు. మరొకరు నిజామాబాద్ జిల్లాకు చెందిన వ్యక్తి.

గదికి నిప్పంటుకోవడంతో ఈ అగ్ని ప్రమాదం సంభవించింది. గదిలో 16 మంది ఉన్నారని, ఇందులో పది మంది చనిపోగా, ఆరుగురు ప్రమాదం నుంచి బయటపడినట్లు ఇక్కడికి సమాచారం అందింది. అయితే అధికారిక సమాచారం ఇప్పటి వరకు అందుబాటులో లేదు. అధికారుల నుంచి ఈ విషయంలో ఎటువంటి స్పందన లేదని తెలుస్తోంది. ప్రమాదం సర్క్యూట్ వల్ల సంభవించిందా, మరో కారణం వల్లనా అనేది ఇంకా తేలలేదు. మృతులంతా కూలీలే. కరీంనగర్, నిజామాబాద్ జిల్లాల నుంచి దుబాయ్ వంటి దేశాల్లో కూలీ పనులకు పెద్ద యెత్తున వలసలు పోయారు.