గురువుకు 'చిరు' సన్మానం

హైదరాబాద్ : తాను నిత్య విద్యార్థినని ప్రజారాజ్యం అధినేత చిరంజీవి చెప్పారు. తన విన్నప్పుడు మొగల్తూరులో విద్యాబుద్ధులు చెప్పిన గురువు అజిజ్ మహ్మద్ ఉస్మానీని గురుపూజోత్సవం సందర్భంగా ప్రజారాజ్యం కార్యాలయానికి ఆహ్వానొంచి ఆయనతో పార్టీ జెండాను ఆవిష్కరింపజేశారు. ఆయనను సన్మానించారు.

ఈ కార్యక్రమానికి హైదరాబాద్ లోని వివిధ పాఠశాలలకు చెందిన ఉపాధ్యాయులు హాజరయ్యారు. వారిని ఉద్దేశించి చిరంజీవి మాట్లాడుతూ తల్లిదండ్రులు జన్మనిస్తే...గురువు ఉత్తమ పౌరులుగా తీర్చిదిద్దుతారని పేర్కొన్నారు.గురువు దేవునితో సమానమని వ్యాఖ్యానించారు. తాను నిత్య విద్యార్థినని, గురువుకు శరస్సు వంచి నమస్కరిస్తున్నానని తెలిపారు. తన చిన్నప్పుడు సామాన్యశాస్త్రాన్ని గురువు ఉస్మానీ అద్భుతంగా భోదించారని గుర్తు చేసుకున్నారు.