మోనికాతో పెళ్లికి మహాజన్ సై

ముంబాయి: సినీ నటి, అండర్ వరల్డ్ డాన్ మోనికా బేడీని పెళ్లి చేసుకోవడానికి రాహుల్ మహాజన్ ఇష్టపడుతున్నట్లే ఉన్నారు. ఈ విషయాన్ని మోనికాతో ఆయన చెప్పారు. వీరిద్దరి జంటతో టెలివిజన్ రియాల్టీ షో బిగ్ బాస్ ఆసక్తికరంగా మారింది. మోనికాతో మహాజన్ సన్నిహితంగా మెలుగుతుండడం మీడియాకు కూడా ఆసక్తికరంగా మారింది. ముద్దు పెట్టుకోవచ్చా అని కూడా రాహుల్ మహాజన్ మోనికాను అడిగారు. మోనికా పట్ల తనకు గల ప్రేమను, ఆమెను పెళ్లి చేసుకోవడానికి ఇష్టపడుతున్న విషయాన్ని రాహుల్ మహాజన్ ఆమెకు చెబుతూ వస్తున్నారు.

ఇంతకు ముందు బిగ్ బాస్ హౌస్ మేట్ పాయల్ రహతోగితో రాహుల్ మహాజన్ సన్నిహితంగా మెలుగుతూ వచ్చారు. పాయల్ షో నుంచి బయటకు వెళ్లిపోయింది. ఇప్పుడు రాహుల్, మోనికా జంట అందరి దృష్టిని ఆకర్షిస్తోంది. అయితే రాహుల్ తో మోనికా రోమాన్స్ పట్ల అబూ సలేం తీవ్రం కలత చెందినట్లు చెబుతున్నారు. మోనికాను తాను 2000 నవంబరులో పెళ్లి చేసుకున్నట్లు అతను చెబుతున్నాడు.