వేట్లపాలెం పేలుడులో ముగ్గురు మృతి

కాకినాడ : తూర్పు గోదావరి జిల్లా వేట్లపాలెం గ్రామంలో మందుగుండు సామగ్రి పేలిపోవడంతో ముగ్గురు ప్రాణాలు కోల్పోయారు. ఈ సంఘటనలో తీవ్రంగా గాయపడిన పదిమందిని సమీప ఆసుపత్రికి తరలించారు. గాయపడినవారిలో ముగ్గురి పరిస్థితి ఆందోళనకరంగా ఉంది. సాధారణంగా ఈ బాణాసంచా తయారీ కేంద్రంలో పది మంది పనిచేస్తారు. కానీ దీపావళి పర్వదినం సమీపించడంతో 20 మంది దాకా పనిచేస్తున్నారు. బాణాసంచా తయారు చేస్తుండగా ప్రమాదం సంభవించింది. తగిన భద్రతా ఏర్పాట్లు లేకపోవడం వల్లనే ప్రమాదం సంభవించిందని స్థానికులు భావిస్తున్నారు.