మొద్దు శీను హత్య, ఉలిక్కిపడిన రాష్ట్రం

అనంతపురం : తెలుగుదేశం నాయకుడు పరిటాల రవి హత్య కేసులో ప్రధాన నిందితుడు జూలకంటి శ్రీనివాసరెడ్డి అలియాస్‌ మొద్దుశీను దారుణ హత్యకు గురయ్యాడు. జిల్లా కారాగారంలో ఉంటున్న అతనిపై సహచర ఖైదీ ఓంప్రకాశ్‌ డంబుల్స్‌పై దాడి చేయడంతో మొద్దు శీను చనిపోయాడు.

ఆదివారం తెల్లవారు జామున నాలుగున్నరకు శీను తలపై డంబుల్స్‌పై దాడి చేసి కొట్టడంతో శీను అక్కడిక్కడే ప్రాణాలు కోల్పోయాడని తెలుస్తోంది. ఖైదీల మధ్య ఘర్షణలో శీను చనిపోయాడని అధికారులు పేర్కొంటునప్పటికీ హత్య వెనుక బడానేతల హస్తముందని ప్రతిపక్షాలు ఆరోపించాయి. ఈ సంఘటన రాష్ట్ర వ్యాప్తంగా సంచలనం సృష్టించింది.