నాలుగు జిల్లాల్లో తుపాను తీవ్రత

హైదరాబాద్‌, నవంబర్‌ 15 : ఖైముక్‌ తుపాను ప్రభావంపై రాష్ట్ర ప్రధాన కార్యదర్శి రమాకాంత్‌ రెడ్డి శనివారం ఉన్నతాధికారులతో సమీక్షా సమావేశం నిర్వహించారు. తుపాను ప్రభావం ఎలా ఉ న్నప్పటికీ, అధికారులు ముందస్తు జాగ్రత్త చర్యలు తీసుకోవాలని రమాకాంత్‌ రెడ్డి స్పష్టమైన ఆదే శాలు జారీ చేశారు. ఇంకా మూడు రోజుల పాటు సెలవులు రద్దు చేస్తున్నట్లు కూడా ప్రకటించారు. తుపాను కారణంగా ఉభయగోదావరి జిల్లాలు, కృష్ణా, గుంటూరు జిల్లాల్లో నష్టం ఎక్కువగా ఉంది. ప్రకాశం, నెల్లూరు జిల్లాలోకూడా పంటలు పాక్షికంగా నష్టపోయే అవకాశముంది.

దీనితో సెలవుల మీద వెళ్ళిన అధికారులు అత్యవసరంగా విధుల్లో చేరాలని రమాకాంత్‌ రెడ్డి మౌఖిక ఆదేశాలు జారీ చేశారు. తుపాను ప్రభావం గురించి, ముందస్తు సహాయ చర్యల గురించి తెలుసుకోవడానికి కంట్రోల్‌ రూమ్‌ ఏర్పాటు చేస్తున్నట్లూ చెప్పారు. 23456005/23451043 నెంబర్లకు ఫోన్‌ చేసి తుపాన్‌కు సంబంధించిన సమాచారం పొందవచ్చని ఆయన వివరించారు.