తమ్ముడు బాలయ్యపై పోటీకి రెడీ

గుంటూరు: బాలకృష్ణ అక్క పురందేశ్వరిపై పోటీకి సిద్ధమేనని ప్రకటించడంపై వ్యాఖ్యానించాల్సిందిగా ..కేంద్రమంత్రి దగ్గుబాటి పురందేశ్వరిని కోరగా కాంగ్రెస్‌ అధిష్ఠానం ఆదేశిస్తే సోదరుడు, తానూ బాలకృష్ణపై పోటీకి సిద్ధమేనని తెలిపారు. గుంటూరు జేకేసీ కళాశాలలో సోమవారం ఆమె మీడియాతో మాట్లాడారు. తాను ప్రాతినిధ్యం వహించిన బాపట్ల లోక్‌సభ నియోజకవర్గాన్ని ఎస్‌సీలకు కేటాయించారని అందువల్ల తాను మరో నియోజకవర్గానికి వెళ్లాల్సిన అవసరం ఉందన్నారు.

అలాగే ఆమె తాను ఎక్కడ పోటీచేయాలనేది పార్టీ పూర్తి స్ధాయిలో నిర్ణయిస్తుందన్నారు. పార్టీ నిర్ణయం మేరకు బాలయ్యపై పోటీ చేయాల్సి వస్తే సిద్ధమేనన్నారు. కేంద్ర ప్రభుత్వ సంస్థలైన యూజీసీ, ఎన్‌సీటీఈ, ఏఐటీఈసీ సంస్థల పనితీరును సమీక్షించాలని కేంద్రమంత్రి పురందేశ్వరి అన్నారు. పుట్టగొడుగుల్లా బీఈడీ, ఇంజనీరింగ్‌ కళాశాలలు వెలుస్తున్నాయని, ఈ సంస్థల పర్యవేక్షణ లోపించిందన్నారు.