ఆ సాక్ష్యాలు చాలవు:పాక్‌

ఇస్లామాబాద్‌: ముంబయి ప్రేలుళ్ళ ప్రధాన నిందితుడు కసబ్‌ సాక్ష్యానికి విలువ లేదని అతన్ని హింసించి బలవంతంగా దాన్ని చెప్పించారని నిర్ణయానికి వచ్చారని పాక్ చెప్పనుంది. అధికారికంగా ఈ ప్రకటన వెలువడకపోయినా ఈ విషయాన్ని పాక్‌ మీడియా ప్రచురించింది. భారత్‌ పంపిన సాక్ష్యాల్లో కొత్త విషయమేం లేదని, భారత్‌ మీడియాలో ఇప్పటివరకూ ప్రచురితమైన కథనాలనే భారత్‌ అందులో పొందుపరిచిందని పాక్‌ ప్రభుత్వం భావిస్తున్నట్లు అందులో పేర్కొన్నారు.

అంతేగాక భారత్‌ సాక్ష్యాలు సరిపోవని ఒకటి రెండురోజుల్లో పాక్‌ ప్రకటించనుందని పత్రికలు పేర్కొన్నాయి. ముంబయి పేలుళ్ల నిందితులు పాక్‌కు చెందినవారని వారిని తమకు అప్పగించాలని కోరుతూ భారత్‌ అందజేసిన సాక్ష్యాలను పాక్‌ తిరస్కరించింది. ముంబయి పేలుళ్లలో పాక్‌ పాత్రపై భారత్‌ అందజేసిన సాక్ష్యాలను తిరస్కరించాలని నిర్ణయించిన పాక్‌ ఎదురుదాడికి సిద్ధమవుతున్నట్లు తెలుస్తోంది.

తమ దేశంలో తీవ్రవాద కార్యకలాపాల్లో భారత్‌ ప్రమేయం ఉందని ఆరోపిస్తూ ఓ నివేదికను సిద్ధం చేస్తున్నారు. భారత్‌ సాక్ష్యాలను తిరస్కరిస్తూ తలమ ఆరోపణలు, అందుకు కారణాలపై ఓ నివేదిక తయారుచేసి భారత్‌కు పంపనున్నట్లు పాక్‌ మీడియా వార్తలు వెల్లడిస్తున్నాయి.