• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

పీఆర్పీలో నవ తెలంగాణ విలీనం

By Staff
|

Devender Goud
హైదరాబాద్‌: ప్రజారాజ్యం పార్టీలో గురువారం లాంఛనంగా నవ తెలంగాణ పార్టీ విలీనమయింది. తమ విలీనం చారిత్రక అవసరమని ఆ పార్టీ అధ్యక్షుడు దేవేందర్‌ గౌడ్‌ అన్నారు. హైదరాబాద్‌లోని రావి నారాయణరెడ్డి ఆడిటోరియంలో ఈ కార్యక్రమం జరిగింది. దేవేందర్‌ గౌడ్‌ ఈ విషయాన్ని లాంఛనంగా ప్రకటించారు. ఈ విలీన వేదికపై దేవేందర్‌ గౌడ్‌ను ప్రజారాజ్యం పార్టీ ఉపాధ్యక్ష పదవీ బాధ్యతలు అప్పగిస్తున్నట్లు చిరంజీవి ప్రకటించారు. నవ తెలంగాణ పార్టీ విలీనంతో ప్రజారాజ్యం పార్టీ మరింత బలోపేతం అయిందని చిరంజీవి వ్యాఖ్యానించారు.

దేవేందర్‌ గౌడ్‌ సుదీర్ఘ రాజకీయ అనుభవం పార్టీకి ఇతోదికంగా ఉపయోగపడుతుందని, పార్టీ కూడా ఆయన సేవలను విస్తృతంగా వినియోగించుకుంటుందని చిరంజీవి తెలిపారు. ఇక తెలంగాణా రాష్ట్రం ఏర్పడితే సామాజిక న్యాయం అమలవుతుందనే ఆశతోనే తాము పార్టీ పెట్టామని, ప్రజారాజ్యం పార్టీ తమ ఆశయాన్నే ఎజెండాగా చేసుకుని ముందుకు సాగుతోందని అందుకే వారితో కలిసి సాగాలని నిర్ణయించుకున్నామని ఈ సందర్భంగా దేవేందర్‌గౌడ్‌ అన్నారు. గౌడకు సముచిత స్థానం కల్పిస్తూ ఉపాధ్యక్ష బాధ్యతలు అప్పగిస్తున్నట్లు చిరంజీవి ప్రకటించారు. దేవేందర్‌ మార్గదర్శకంలో ప్రజారాజ్యం ముందుకెళ్తుందని ఆశాభావం వ్యక్తం చేశారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X