బావది వెన్నుపోటు కాదు: బాలయ్య

నెల్లూరు: చంద్రబాబు నాయుడు ఎన్టీఅర్ కు ఎప్పుడూ వెన్నుపోటు పొడవలేదని, తెలుగుదేశం పార్టీని రక్షించేందుకే చంద్రబాబు ఎప్పుడూ ప్రయత్నించారని సినీ నటుడు బాలకృష్ణ అన్నారు. నెల్లూరు జిల్లా పర్యటనలో ఉన్న ఆయన ఈరోజు అక్కడ మీడియాతో మాట్లాడుతూ గతంలో పార్టీ అవసరాల దృష్ట్యా ఆయన వేరుగా వెళ్లారు తప్ప వెన్నుపోటు పొడవలేదని అన్నారు.

పార్టీని రక్షించేందుకే ఈరోజు తామంతా కూడా రాజకీయాల్లోకి వచ్చామని అన్నారు. తనకు పార్టీ ప్రచారంతో తప్ప టిక్కెట్ల పంపిణీతో సంబంధం లేదని ఆయన స్పష్టం చేశారు. ప్రజలకోసమే తన తండ్రి రాజకీయాల్లోకి వచ్చారని, ఇప్పుడు అనేకమంది నటులు ఏదో ఒకటి ఆశించి రాజకీయాల్లోకి వస్తున్నారని అన్నారు. సామాజిక న్యాయాన్ని మొదట అమలు చేసింది తెలుగుదేశమేనని ఇప్పుడు కొత్తగా చెప్పాల్సింది ఏం లేదని అన్నారు.