మూలకణ పరిశోధన మంచిదే

వాషింగ్టన్: మానవ పిండం మూల కణాల పరిశోధన నిధులపై నిషేధాన్ని అమెరికా అధ్యక్షుడు బారక్ ఒబామా ఎత్తివేయడంతో ఈ రంగంలో పరిశోధనలు పుంజుకోనున్నాయి. మూల కణాల పరిశోధనల వల్ల అల్జిమీర్స్, పార్కిన్ సన్ వంటి వ్యాధులకు చికిత్స లభించనుంది. మూల కణాల్లో రెండు కీలక అంశాలు ఉన్నాయి: ఈ కణాలు ఒరిజినల్ స్ధాయిలో ఉండి పనిసేస్తుంటాయి. ప్రత్యేక కణాలుగా (నరాలు, మూత్రపిండ కణాలు, కాలేయ కణాలు)గా మార్పు చెందే శక్తి వీటికి ఉంటుంది.

ప్రమాదకరమైన వ్యాధులను అదుపులో ఉంచడానికి మూలకణ పరిశోధన ఎంతగానో ఉపయోగపడుతుంది. కానీ అవి మానవ పిండాల నుంచి వస్తున్నందువల్ల ఈ విషయం వివాదాస్పదమైంది. క్రిస్టియన్ మత పెద్దల ఆగ్రహానికి గురైంది. స్టెమ్ సెల్స్ ను ఉపయోగించుకోవడమంటే దేవుడితో ఆడుకోవడం వంటిదేనని మత పెద్దలు అంటున్నారు. మూలకణాల పరిశోధన వల్ల ఎంతో మందిని రక్షించవచ్చు. మానవ క్లోనింగ్ మాత్రం ప్రోత్సహించగదినది కాదు. మానవ క్లోనింగ్ కు ఎట్టి పరిస్ధితిలోనూ అంగీకరించేది లేదని ఒబామా స్పష్టం చేశారు.