కుటుంబ సభ్యులతో సిమ్లాకు వైయస్

న్యూఢిల్లీ: ముఖ్యమంత్రి డాక్టర్‌ రాజశేఖర్‌రెడ్డి కుటుంబ సమేతంగా బుధవారం వేసవి విడిది కోసం సిమ్లాకు వెళ్లారు. బుధవారం మధ్యాహ్నం న్యూఢిల్లీ నుంచి ప్రత్యేక విమానంలో ఆయన సిమ్లాకు బయలు దేరి వెళ్లారు. వారం రోజులు సిమ్లాలో గడిపి మే 6వ తేదీన తిరిగి హైదరాబాద్‌ వస్తారు.

గత రెండు రోజులుగా ఢిల్లీలో ఉన్న ఆయన మంగళవారం సోనియా గాంధీని కలుసుకుని రాష్ట్రంలో ఇటీవల జరిగిన ఎన్నికలు, తాజా రాజకీయ పరిస్థితిపై నివేదిక ఇచ్చిన విషయం తెలిసిందే. మే 16వ తేదీ వరకు ఆయన హైదరాబాదులో ఉంటారు. మే 16వ తేదీన ఎన్నికల ఫలితాలు వెలువడుతున్న విషయం తెలిసిందే. రాష్ట్రంలో తిరిగి అధికారం తమదేనని ముఖ్యమంత్రి ధీమా వ్యక్తం చేస్తున్నారు.