నాంపల్లి కోర్టుకు రామోజీ రావు

హైదరాబాద్: ఈనాడు గ్రూప్ సంస్థల అధిపతి రామోజీరావు శుక్రవారం హైదరాబాదులోని నాంపల్లి కోర్టుకు హాజరయ్యారు. మార్గదర్శి చిట్స్ ఫండ్స్ అక్రమాల కేసులో ఆయన కోర్టుకు హాజరయ్యారు. ఈ కేసు విచారణ ఈ నెల 16వ తేదీకి వాయిదా పడింది. ఈ కేసులో ఇప్పటికే రామోజీరావుకు కోర్టు సమన్లు జారీ చేసింది.

మార్గదర్శి చిట్స్ ఫండ్స్ రిజర్వ్ బ్యాంక్ నిబంధనలకు విరుద్ధంగా 2600కోట్ల రూపాయల డిపాజిట్లు సేకరించిందని ఆరోపిస్తూ ఈ కేసు నమోదైంది. పది వేల రూపాయల పూచీకత్తు తీసుకుని రామోజీ రావును విడుదల చేసినట్లు కోర్టు ప్రకటించింది. ఈ నెల 16వ తేదీన కేసుకు సంబంధించిన ఫిర్యాదును, పత్రాలను అందజేస్తారు.