ఎప్పటిలాగే అన్యాయం: రాములమ్మ

హైదరాబాద్: రైల్వే బడ్జెట్ లో ఎప్పటి లాగే రాష్ట్రానికి అన్యాయం జరిగిందని తెలంగాణ రాష్ట్ర సమితి (తెరాస) పార్లమెంటు సభ్యురాలు విజయశాంతి విమర్శించారు. రైల్వే బడ్జెట్ లో ప్రతిసారీ అన్యాయమే జరుగుతోందని ఆమె ఒక ప్రైవేట్ తెలుగు టీవీ చానెల్ ప్రతినిధితో అన్నారు. కాంగ్రెసు లోకసభ సభ్యులు 33 మంది ఉన్నారని, వారంతా పోరాటం చేసి అన్యాయాన్ని ఎదిరించడం అవసరమని ఆమె అన్నారు.

మెదక్-అక్కన్నపేట రైల్వేమార్గం సర్వేను చేపడతామని రైల్వే బడ్జెట్ లో చెప్పడాన్ని ఆమె ఆహ్వానించారు. అందుకు తాను మమతా బెనర్జీకి, రాష్ట్ర ముఖ్యమంత్రి రాజశేఖర రెడ్డికి ఆమె కృతజ్ఞతలు తెలిపారు. ఇంకా రెండు పెండింగ్ ప్రాజెక్టులున్నాయని, వాటి సాధనకు తాను కృషి చేస్తానని ఆమె అన్నారు.