మరో నాలుగు స్వైన్ ఫ్లూ మరణాలు

న్యూఢిల్లీ: దేశంలో తాజాగా మరో నాలుగు స్వైన్ ఫ్లూ మరణాలు సంభవించాయి. దీంతో దేశంలో స్వైన్ ఫ్లూ వల్ల మరణించినవారి సంఖ్య 33కు చేరుకుంది. బెంగుళూర్ లో రెండు, ఔరంగాబాద్, పూణేలో ఒక్కటేసి మరణాలు సంభవించాయి.బెంగుళూర్ లో బుధవారం ఉదయం 45 ఏళ్ల వ్యక్తి స్వైన్ ఫ్లూతో మరణించాడు.36 ఏళ్ల మహిళ ఈ నెల 17వ తేదీన బెంగుళూర్ లో మరణించింది.

మహారాష్ట్రలో 19 మంది మరణించారు. వీరిలో 14 మంది ఒక్క పూణేలోనే చనిపోయారు. కర్నాటకలో ఏడుగురు, గుజరాత్ లో ముగ్గురు, చత్తీస్ గడ్ లో ఇద్దరు, తమిళనాడు, కేరళల్లో ఒక్కరేసి ఇప్పటి వరకు మృతి చెందారు. దేశంలో స్వైన్ ఫ్లూ వ్యాధి విస్తరిస్తోంది. దేశంలో తాజాగా 216 మందికి స్వైన్ ఫ్లూ సోకినట్లు నిర్ధారణ అయింది. దీంతో స్వైన్ ఫ్లూ సోకినవారి సంఖ్య 2,242కు చేరుకుంది.