పిఎంతో మాటకు వైయస్ యత్నం

హైదరాబాద్: ముఖ్యమంత్రి డాక్టర్ వైయస్ రాజశేఖర రెడ్డి మంగళవారం ప్రధాని డాక్టర్ మన్మోహన్ సింగ్ తో మాట్లాడేందుకు విఫలయత్నం చేశారు. ప్రధాని ఈ నెల మొదటివారంలో రాష్ట్ర పర్యటనకు రావాల్సి ఉంది. అయితే ఆయన పర్యటన రద్దయినట్లు సమాచారం. కానీ పర్యటన రద్దు కాలేదని వాయిదా పడిందని రాష్ట్ర అధికార యంత్రాంగం అంటోంది.

తిరుపతి అంతర్జాతీయ విమానాశ్రయానికి, మన్నవరం కర్మాగారానికి ప్రధాని శంకుస్థాపన చేయాల్సి ఉంది. తిరుపతి విమానాశ్రయం నిర్మాణ పనుల ఒప్పందం ఖరాకు కాకపోవడంతో ప్రధాని తన పర్యటనను రద్దు చేసుకున్నట్లు తెలుస్తోంది. మన్నవరం కర్మాగారం విషయంలో వివాదం ఉన్నట్లు సమాచారం. అయితే ప్రధాని రాకున్నా అదే రోజు శంకుస్థాపన జరుగుతుందని ముఖ్యమంత్రి అధికారులకు చెప్పినట్లు ప్రచారం జరుగుతోంది.