కెవిపి ఇంట్లో మంత్రుల సందడి

హైదరాబాద్: తాజా రాజకీయ పరిణామాల నేపథ్యంలో దివంగత ముఖ్యమంత్రి కెవిపి రామచందర్ రావు నివాసంలో సందడి నెలకొంది. మంత్రులు శిల్పా మోహన్ రెడ్డి, అహ్మదుల్లా, గాదె వెంకట రెడ్డి శనివారంనాడు కెవిపి రామచందరరావును కలుసుకుని చర్చలు జరిపారు. నల్ల కాలువలో వైయస్ రాజశేఖర రెడ్డి సంస్మరణ సభపై వారు కెవిపికి వివరించినట్లు సమాచారం. కాంగ్రెసు పార్టీ అధిష్ఠానం తరుచుగా ముఖ్యమంత్రులను మార్చబోదని ముఖ్యమంత్రి రోశయ్య ప్రకటన చేయడం కూడా ప్రాధాన్యాన్ని సంతరించుకుంది. జగన్ ను ముఖ్యమంత్రిని చేయడానికి పార్టీ అధిష్ఠానం సిద్ధంగా లేదని సంకేతాలు అందినట్లుగా భావిస్తున్నారు. ఈ విషయంపై వారు కెవిపితో మాట్లాడినట్లు తెలుస్తోంది.

అంతకు ముందు వారు వైయస్ రాజశేఖర రెడ్డి సోదరుడు వైయస్ వివేకానంద రెడ్డితో సమావేశమయ్యారు. ఈ సమావేశం అర గంటకు పైగా జరిగింది. నల్లకాలువ నుంచి వైయస్ జగన్ కర్నాటక రాజధాని బెంగుళూర్ వెళ్లారు. దాంతో భవిష్యత్తు కార్యాచరణపై వారు మాట్లాడినట్లు భావిస్తున్నారు. అమలాపురం పార్లమెంటు సభ్యుడు హర్షకుమార్ ప్రకటనపై ఇప్పుడే ఏమీ మాట్లాడబోమని మంత్రి అహ్మదుల్లా మీడియా ప్రతినిధులతో చెప్పారు. ఈ విషయంలో సమయం తీసుకుంటామని ఆయన చెప్పారు.