కర్నాటకలో వరద మృతులు 86 మంది

బెంగుళూర్: కర్నాటక రాష్ట్రంలో కూడా వరద బీభత్సం చోటు చేసుకుంది. ఉత్తర కర్నాటక రాష్ట్రంలో వరదలు శుక్రవారంనాటికి 86 మంది మరణించారు. గత రాత్రి 35 మంది మరణించగా, ఈ సంఖ్య శుక్రవారానికి 86 మందికి చేరింది. రాయచూర్ లో 8 మంది, బాగల్కోటలో ఆరుగురు, బళ్లారిలో ఐదుగురు, బీజాపూర్ లో నలుగురు, గుల్బర్గాలో గడగ్ ల్లో నలుగురేసి, కొప్పల్, బీదర్ ల్లో ఇద్దరేసి మరణించారు.

పరిస్థితిని సమీక్షించడానికి ముఖ్యమంత్రి యెడ్యూరప్ప అత్యవసర సమావేశాన్ని ఏర్పాటు చేశారు. వైమానిక, సైనికాధికారులు రంగంలోకి దిగారు. బీజాపూర్ వరద తాకిడికి అతలాకుతలమైంది. బీజాపూర్, రాయచూర్, గుల్బర్గ, కొప్పల్, బాగల్కోట, బళ్లారి, బెల్గాం, గడగ్ జిల్లాల్లో 20 వేలకు పైగా ఇళ్లు ధ్వంసమయ్యాయి. బాధితులను రక్షించేందుకు హెలికాప్టర్లు రంగంలోకి దిగాయి.