గ్రేటర్ ఎన్నికల ప్రచారానికి పవన్ కల్యాణ్ నో

హైదరాబాద్: ప్రజారాజ్యం తరఫున ఆ పార్టీ అధినేత చిరంజీవి ఒక్కరే గ్రేటర్‌ సమరంలో ప్రచారం చేయనున్నారు. తమ్ముడు "కొమురం పులి" పవన్ కళ్యాణ్ ప్రచారానికి వస్తారని భావించిన పీఆర్పీ నేతలలకు చేదు వార్త అందింది. బీజీ షూటింగ్‌ షెడ్యూల్‌తో ప్రచారానికి రాలేనని తేల్చిచెప్పినట్లు తెలిసింది. ఇచ్చిన మాట ప్రకారం షూటింగ్‌లు పూర్తిచేయాల్సి ఉందని, గ్రేటర్‌ ప్రచారానికి తాను దూరంగా ఉండనున్నట్లు పవన్‌ కల్యాణ్‌ సంకేతాలిచ్చారు.

అన్నదమ్ములిద్దరూ విడివిడిగా ప్రచారం చేస్తే గ్రేటర్‌లో ఆశించిన స్థాయిలో సీట్లు దక్కించుకోవచ్చని పీఆర్పీ తమ్ముళ్లు భావించారు. అయితే పవన్‌ ప్రచారానికి దూరంగా ఉంటున్నట్లు తెలుసుకున్న నేతలు తలలు పట్టుకుంటున్నారు. వీరంతా దిక్కుతోచని స్థితిలో పడ్డారు. ఇక పార్టీ అధినేత చిరంజీవి చేతనే సాధ్యమైనంతా ఎక్కువ సమయం ప్రచారం చేయించుకోవాలని పార్టీ నాయకులు యోచిస్తున్నారు.