ఓబుళాపురంపై బాబు రాజకీయం: విహెచ్

హైదరాబాద్: ఓబుళాపురం గనుల వ్యవహారంపై తెలుగుదేశం పార్టీ అధ్యక్షుడు నారా చంద్రబాబు నాయుడు రాజకీయం చేస్తున్నారని కాంగ్రెసు సీనియర్ నేత వి.హనుమంతరావు అన్నారు. గ్రేటర్ ఎన్నికలు జరుగుతున్నాయి కాబట్టి చంద్రబాబు రాజకీయం చేస్తున్నారని ఆయన శనివారం మీడియా ప్రతినిధులతో అన్నారు. ఓబుళాపురం గనులపై భిన్నాభిప్రాయాలు వ్యక్తమవుతున్నాయని ఆయన అన్నారు.

ఓబుళాపురం మైనింగ్ కంపెనీ అధినేత గాలి జనార్దన్ రెడ్డి ఏ విచారణకైనా సిద్ధమని అన్నారని, అందువల్ల సమస్యేమీ లేదని, సిబిఐ దర్యాప్తునకు అప్పగిస్తే సరిపోతుందని ఆయన అన్నారు. చంద్రబాబు హంగామా చేస్తున్నారని, సిబిఐ దర్యాప్తునకు ఆదేశిస్తే సరిపోతుందని, ఎవరూ ఏం మాట్లాడకూడదని ఆయన అన్నారు.