ఎయిర్ ఇండియా అధికారి లైంగిక అత్యాచారం

న్యూయార్క్: అమెరికాలోని న్యూయార్క్ లో గల జాన్ ఎఫ్ కెన్నెడీ విమానాశ్రయంలో స్థానిక ఎయిర్ లైన్ ఉద్యోగి అయిన మహిళపై ఎయిర్ ఇండియా సీనియర్ అధికారి ఒకరు లైంగిక అత్యాచారానికి పాల్పడినట్లు ఆరోపణలు వచ్చాయి. ఎయిర్ ఇండియా విమానాశ్రయం మేనేజర్ అనిల్ సబర్వాల్ తనపై లైంగిక అత్యాచారానికి పాల్పడినట్లు కరీబియన్ మహిళ స్థానిక అధికారులకు ఫిర్యాదు చేసింది.

సబర్వాల్ ఈ సంఘటన తర్వాత న్యూఢిల్లీ తిరిగి వెళ్లారు. అధికారులు ఆయనను వెనక్కి పిలిపించినట్లు సమాచారం. అయితే సంఘటనకు సంబంధించిన వివరాలు స్పష్టంగా లేవు. అమెరికాలోని ఎయిర్ ఇండియా ఎగ్జిక్యూటివ్ డైరెక్టర్ చిత్రా సర్కార్ ఈ సంఘటనపై మాట్లాడడానికి నిరాకరించారు.