రేపు కృష్ణాజిల్లా బంద్ కు టిడిపి పిలుపు

విజయవాడ: విద్యాసంస్థల బంద్‌కు టీడీపీ పిలుపు ఇచ్చింది. రేపు జిల్లా వ్యాప్తంగా ఉన్న విద్యా సంస్థలను మూసివేయాలని తెలుగుదేశం పార్టీ కోరింది. సమైక్యాంధ్రకు మద్దతుగా ర్యాలీలు, రిలే నిరాహార దీక్షలను రేపు ఉద్ధృతంగా నిర్వహిస్తామని విజయవాడ టీడీపీ ప్రతినిధులు తెలిపారు.

సమైకాంధ్ర నినాదంతో తెదేపా ఆధ్వర్యంలో ఎమ్మెల్యేలు దేవినేని ఉమామహేశ్వరరావు, చిన్నం రామకోటయ్యలు చేస్తున్న ఆమరణ దీక్షలకు మద్దతుగా బందర్‌రోడ్డుపై రాస్తారోకో చేశారు. దీంతో రాకపోకలకు తీవ్ర అంతరాయం ఏర్పడింది. పెద్దసంఖ్యలో పోలీసులు ఈ ప్రాంతంలో ఉన్నప్పటికీ వారికి నచ్చజెప్పేందుకు ప్రయత్నించారు. అయినా పరిస్థితి అదుపులోకి రాకపోవడంతో బలవంతంగా వారిని పక్కకు తొలగించారు.