హరిద్వార్ లో మహా కుంభమేళా ప్రారంభం

హరిద్వార్: మకర సంక్రాంతి సందర్భంగా గురువారం తెల్లవారు జామున హరిద్వార్ లో మహా కుంభమేళా ప్రారంభమైంది. భారతదేశంలోని భక్తులే కాకుండా ప్రపంచవ్యాప్తంగా ఉన్న భక్తులు బ్రహ్మ కుంద్ వద్ద గంగానదిలో పవిత్ర స్నానాలు చేయడానికి వచ్చారు. వారు పవిత్ర స్నానాలు చేశారు. హర్ కీ పౌరీ వద్ద శివాలయానికి దిగువన ఈ బ్రహ్మకుంద్ ఉంది.

రేపు శుక్రవారం సంపూర్ణ అమావాస్యనాడు కూడా పవిత్ర స్నానాలు సాగుతాయి. వేలాది మంది భక్తులతో పాటు సాధువులు పవిత్ర స్నానాలు ఆచరించి శివుడికి, సూర్యుడికి ప్రార్థనలు చేశారు. సమీపంలోని దేవాలయాలు భక్తిగీతాలతో, జేగంటలతో మారుమోగుతున్నాయి. సురాసుర యుద్ధ సందర్భంలో అమృతాన్ని విష్ణుడి వాహనం గరుడుడు అమృతం తీసుకుని వెళ్తుండగా ఒక చుక్క అమృతం ఇక్కడ పడినట్లు విశ్వసిస్తారు. అందుకే దీనికి పవిత్రత ఆపాదిస్తారు. మహా కుంభ మేళా ప్రతి 12 ఏళ్లకు ఒకసారి వస్తుంది.