• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

తెలంగాణ జెఎసిపై కాంగ్రెసు పైచేయి

By Pratap
|

JAC
హైదరాబాద్: తెలంగాణ రాజకీయ, ప్రజా సంఘాల సంయుక్త కార్యాచరమ కమిటీ (జెఎసి)పై కాంగ్రెసు పార్టీ పైచేయి సాధించింది. రాజీనామాలకు గడువు పొడిగించజేయడంలో అది విజయం సాధించింది. కేంద్ర హోం మంత్రి చిదంబరం తెలంగాణపై ప్రకటన చేసిన నేపథ్యంలో రాజీనామాలకు గడువు పొడిగించాలని కాంగ్రెసు పార్టీ గురువారం సాయంత్రం జరిగిన జెఎసి సమావేశంలో వాదించింది. కాంగ్రెసు వాదనను ఇతర పార్టీలు వ్యతిరేకించాయి. తెలంగాణ కోసమే కేంద్ర ప్రభుత్వం కమిటీని ఏర్పాటు చేస్తోందని కాంగ్రెసు నాయకులు జెఎసి సమావేశంలో చెప్పారు. కాంగ్రెసు నాయకుల పట్టుతో ప్రజాప్రతినిధుల రాజీనామాలకు ఫిబ్రవరి 7వ తేదీ వరకు గడువు పొడిగించారు. ఈ విషయాన్ని జెఎసి కన్వీనర్ కోదండరామ్ గురువారం రాత్రి మీడియా ప్రతినిధులకు వివరించారు.

శాంతియుత ఉద్యమాలు కొనసాగించాలని జెఎసి నిర్ణయం తీసుకుంది. కేంద్ర కమిటీ వేసే కమిటీ తెలంగాణ ఏర్పాటుకు అనుగుణంగా లేకపోతే రాజీనామాలను ఆమోదింపజేసుకుందామని, కమిటీ వేసేంత వరకు ఆగుదామని జెఎసిలోని కాంగ్రెసు నాయకులు వాదించారు. ఉద్యమాలను కొనసాగించాలని జెఎసి నిర్ణయం తీసుకుంది. ఉద్యమ స్వరూప స్వభావాలను శుక్రవారం ఖరారు చేస్తారు. రాజీనామాలను ఆమోదింపజేసుకోవాలని కాంగ్రెసేతర పార్టీల నాయకులు, ప్రజా సంఘాల ప్రతినిధులు పట్టుబట్టారు. అయితే కాంగ్రెసు నేత ఆర్ దామోదర్ రెడ్డి వారి వాదనను తీవ్రంగా వ్యతిరేకించినట్లు సమాచారం.

తాము తమ పార్టీ అధ్యక్షురాలు సోనియా గాంధీతో, ఇతర నేతలతో జరిపిన చర్చల వివరాలను, వారు ఇచ్చిన హామీలను దామోదర్ రెడ్డి సమావేశంలో వివరించారు. ఇక్కడి దాకా వచ్చినాళ్లం, తెలంగాణ సాధించే విషయంలో మేం వెనక్కి తగ్గుతామా అని ఆయన ప్రశ్నించారు. తాము తెలంగాణ కోసం నిలబడుతున్నాం కాబట్టే తాము ఆచితూచి అడుగువేయాలని అంటున్నామని, తొందర పడితే ఇబ్బంది ఎదురవుతుందని ఆయన చెప్పినట్లు తెలుస్తోంది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X