అమెరికాలో ఆంధ్ర ప్రొఫెసర్ కాల్చివేత

వాషింగ్టన్: అమెరికాలో ఆంధ్ర ప్రొఫెసర్ హత్యకు గురయ్యాడు. అలాబామా విశ్వవిద్యాలయంలో తోటి మహిళా ప్రొఫెసర్ జరిపిన కాల్పుల్లో పొదిల గోపి అనే ఆంధ్ర ప్రొఫెసర్ మరణించాడు. ఆయనతో పాటు మరో ఇద్దరు కూడా మరణించారు. అలాబామా విశ్వవిద్యాలయం ఫ్యాకల్టీ సమావేశంలో మహిళా ప్రొఫెసర్ కాల్పులు జరిపింది. పొదిల గోపి నాగార్జున విశ్వవిద్యాలయంలో బిఎస్సీ చదివారు.

పొదిల గోపి అలాబామా విశ్వవిద్యాలయం బయోలాజికల్ సైన్సెస్ డిపార్టుమెంటు అధిపతిగా పనిచేస్తున్నారు. కాల్పుల్లో మరణించిన మరో ఇద్దరిని బయోలజీ అసోసియేట్ ప్రొఫెసర్లు మారియా డేవిస్, అడ్రియేల్ జాన్సన్ గా గుర్తించారు. మహిళా ప్రొఫెసర్ జరిపిన కాల్పుల్లో మరో ముగ్గురు గాయపడ్డారు. శుక్రవారం జరిగిన ఈ ఘటనలో గాయపడిన ముగ్గురిలో ఇద్దరు ఫ్యాకల్టీ సభ్యులు కాగా మరొకరు స్టాఫ్ మెంబర్. మహిళా ప్రొఫెసర్ ను పోలీసులు అరెస్టు చేశారు. మరో వ్యక్తిని అదుపులోకి తీసుకున్నారు. సంఘటనకు కారణాలు తెలియడం లేదు.