రాజస్థాన్ లో 26 మంది దుర్మరణం

జైపూర్: రాజస్థాన్ లో ఘోర రోడ్డు ప్రమాదం జరిగింది. సోమవారం తెల్లవారు జామున రాజస్థాన్ లోని సవాయ్ మాధోపూర్ జిల్లాలో ఈ ప్రమాదం జరిగింది. ఈ ప్రమాదంలో 26 మంది మరణించగా, 34 మంది గాయపడ్డారు. మృతులంతా విద్యార్థులు, ఉపాధ్యాయులే. వీరు ప్రయాణిస్తున్న వాహనం ఎదురుగా వస్తున్న స్టేషనరీ వాహనాన్ని ఢికొట్టి వంతైనపై నుంచి నదిలో పడిపోయింది. నదిలో నీళ్లు లేవు.

బృందావనం విద్యా పర్యటనకు వెళ్లి తమ స్వస్థలం జల్వార్ కు తిరిగి వస్తుండగా వారు ప్రమాదానికి గురయ్యారు. బస్సులోని 21 మంది అక్కడకక్కడే మరణించగా, మరో ఐదుగురు ఆస్పత్రిలో చికిత్స పొందుతూ మరణించినట్లు సవాయ్ మాధోపూర్ ఎస్పీ వికాస్ కుమార్ చెప్పారు. గాయపడిన వారి పరిస్థితి కూడా ఆందోళనకరంగానే ఉన్నట్లు తెలుస్తోంది. విద్యార్థులు, ఉపాధ్యాయులు జలవార్ లోని ఖాన్పూర్ ఉపాధ్యాయ శిక్షణా సంస్థకు చెందినవారు.