రామోజీపై చర్యతీసుకోండి: ఉండవల్లి

హైదరాబాద్‌: మార్గదర్శి చిట్‌ఫండ్‌ పేరుతో ఆర్థిక నేరాలకు పాల్పడిన 'ఈనాడు' గ్రూపు అధినేత రామోజీరావుపై చట్టపరమైన చర్యలు తీసుకోవాలంటూ రాజమండ్రి ఎంపీ ఉండవల్లి అరుణ్‌కుమార్‌ ఆదివారం ముఖ్యమంత్రి రోశయ్యకు లేఖ రాశారు. రాష్ట్ర చిట్‌ఫండ్‌ చట్టం తమకు వర్తించదని 'మార్గదర్శి' ధిక్కారాన్ని ప్రదర్శించినా ప్రభుత్వం ఏమీ చేయలేని స్థితిలో ఉండడం శోచనీయమని లేఖలో పేర్కొన్నారు.

2008లో సీఎం కార్యాలయం ఆదేశాల మేరకు నిర్వహించిన తనిఖీల్లో 'మార్గదర్శి' చట్టాన్ని ఉల్లంఘించినట్టు రుజువయిందని తెలిపారు. 40 ఏళ్లుగా ఇలాగే వ్యాపారం చేస్తున్నాం, ఇక ముందు కూడా ఇలాగే చేస్తామని మార్గదర్శి చిట్‌ ఫండ్‌ యాజమాన్యం నిర్లక్ష్యంగా సమాధానమిచ్చిందని ఉండవల్లి తన లేఖలో పేర్కొన్నారు.