• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

విచారణకు నేనే వస్తా: పోలీసులతో రంజిత

By Pratap
|

Ranjitha
బెంగళూరు: విచారణకు తానే స్వయంగా వస్తానని స్వామి నిత్యానంద సెక్స్ కుంభకోణంలో చిక్కుకున్న తమిళ నటి రంజిత పోలీసులకు ఫోన్ చేసి చెప్పింది. అరెస్టు చేసి తీసుకుని పోతే మర్యాదకు భంగం వాటిల్లుతుందని భావించి ఆమె ఇందుకు సిద్ధపడింది. విచారణకు పూర్తిగా సహకరిస్తానని చెప్పింది. ఈ విషయాన్ని సిఐడి పోలీసులు ధృవీకరించారు. ఆమెను అరెస్టు చేసేందుకు చెన్నై వెళ్లిన పోలీసులకు చుక్కెదురైనట్లు సమాచారం. నిత్యానంద అరెస్టు, విచారణ ప్రారంభమైన తరువాత రంజిత తాను కూడా విచారణకు వచ్చి సాక్ష్యం ఇస్తానని తెలిపింది. ఈ వారాంతంలోగా రంజిత పోలీసుల వద్దకు వచ్చి సాక్ష్యం చెప్పనుందని సిఐడి అధికారి యోగప్ప తెలిపారు. తనను మభ్యపెట్టి బలవంతంగా రాసలీలకు నిత్యానంద ప్రేరేపించారని రంజిత విచారణలో చెబితే నిత్యానంద మెడ చుట్టూ ఉచ్చుబిగుస్తుంది.

ధ్యానపీఠం వ్యవస్థాపకుడు రాసలీలల స్వామి నిత్యానంద జైలుకు వెళ్లకుండా తప్పించుకునేందుకు ఆయన తరుపు న్యాయవాదులు తీవ్రంగా ప్రయత్నిస్తున్నారు. పోలీసు కష్టడీ ముగిస్తే నిత్యానంద తప్పనిసరిగా జైలుకు వెళ్లవలసి ఉంటుంది. నిత్యానందను శుక్రవారం సాయంత్రం వరకు విచారించేందుకు రామనగర కోర్టు సిఐడి పోలీసులకు అనుమతి ఇచ్చింది. నిత్యానంద, రంజితల రాసలీలలను చిత్రీకరించిన లెనిన్‌ కరుప్పన్‌ విచారణ ఇప్పటికే పూర్తయింది. అవసరానికి తగినట్లుగా మళ్లీ ఆయన్ను విచారిస్తామని అధికారులు తెలిపారు. నిత్యానంద విచారణలో ఒక రోజు పూర్తిగా విశ్రాంతి, ధ్యానానికే పరిమితం కావటం, ఒకరోజు అనారోగ్యం పేరిట ఆసుపత్రిలో చేరటంతో విచారణ ఆశించిన స్థాయిలో సాగలేదు. మరో పది రోజుల పాటు విచారణకు తమకు అప్పగించాలని పోలీసులు కోరాలని భావించినా చివరి క్షణంలో ఆరు రోజుల పాటు మాత్రం విచారణకు అప్పగించాలని న్యాయమూర్తిని కోరారు. అయితే 2రోజులకు మాత్రమే విచారణకు అవకాశం ఇస్తూ న్యాయమూర్తి అనుమతించారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X