మాజీ మంత్రిని బెదిరించిన నక్సల్ పై కేసు

హైదరాబాద్‌: నక్సలైట్లు భూ వివాదాల్లో చిక్కుకుంటున్న వివరమిది. మాజీ మంత్రి, తెలుగుదేశం నేత ఇనుగాల పెద్దిరెడ్డికి ఓ భూవివాదంపై బెదిరింపులు వచ్చిన ఘటనలో జనశక్తి మాజీ కార్యదర్శి కూర రాజన్న సహా మరో నలుగురిపై కేసు నమోదైంది. కరీంనగర్‌ జిల్లా సుల్తానాబాద్‌కు చెందిన రియల్‌ఎస్టేట్‌ వ్యాపారి తిరుపతిరావుకు పెద్దిరెడ్డికి మధ్య రియల్‌ఎస్టేట్‌ వివాదం ఉన్న నేపథ్యంలో ఇటీవల పెద్దిరెడ్డికి బెదిరింపు ఫోన్‌కాల్స్‌ వచ్చాయి.

దీనిపై ఆయన పోలీసులకు ఫిర్యాదుచేయగా టాస్క్‌ఫోర్స్‌ పోలీసులు రంగంలోకి దిగి తిరుపతిరావుతోపాటు గోపాల్‌రెడ్డి, ఆదిరెడ్డి, గోపాల్‌రెడ్డిలను అదుపులోకి తీసుకున్నారు. వారిని విచారించగా జనశక్తి మాజీ కార్యదర్శి కూర రాజన్న తమను పంపినట్లు తెలిపారు. దీంతో రాజన్నపై కూడా పోలీసులు కేసు నమోదు చేశారు.