'మా' అధ్యక్షుడిగా బాలకృష్ణ?

హైదరాబాద్: మూవీ ఆర్టిస్టుల సంఘం (మా) అధ్యక్షుడిగా ప్రముఖ సినీ నటుడు బాలకృష్ణ ఎంపికయ్యే అవకాశం ఉన్నట్లు ప్రచారం జరుగుతోంది. ఇందుకు ఆయన రంగం సిద్ధం చేసుకుంటున్నట్లు ఊహాగానాలు చెలరేగుతున్నాయి. మా అధ్యక్షుడి పదవిపై కన్నేసిన ఆయన ఈ మధ్య కాలంలో చురుగ్గా కదులుతున్నట్లు చెబుతున్నారు. ప్రస్తుతం ఈ పదవిలో మురళీ మోహన్ ఉన్నారు.

మా అధ్యక్షుడిగా బాలయ్యను ఏకగ్రీవంగా ఎంపిక చేసేందుకు మురళీ మోహన్ రంగం సిద్ధం చేస్తున్నట్లు ప్రచారం సాగుతోంది. ఇటీవల రాష్ట్రంలో వరదలు వచ్చినప్పుడు బాలయ్య చొరవ ప్రదర్శించి సినీ పరిశ్రమను ఒకే వేదిక మీదికి తేవడాన్ని వారు ఈ సందర్భంగా గుర్తు చేస్తున్నారు. సింహా విజయంతో బాలయ్య ప్రస్తుతం మంచి ఊపు మీదున్నారు. ఆయనకు ఆఫర్లు పెద్ద యెత్తున వచ్చి పడుతున్నాయి.