ఏం చేయాలో చెప్పండి: రోశయ్య

హైదరాబాద్: రాబడి గణనీయంగా తగ్గిందని, ఈ పరిస్థితిలో ఏం చేయాలో మీరే చెప్పండని ముఖ్యమంత్రి కె. రోశయ్య మంత్రులను అడిగారు. రాష్ట్ర ఆర్థిక పరిస్థితిపై ఆయన బుధవారం మంత్రులతో సుదీర్ఘంగా చర్చించారు. ఆర్థిక పరిస్థితిని, రాష్ట్ర రాబడి, జరుగుతున్న వ్యయాన్ని అర్థం చేసుకోవాలని ఆయన మంత్రులతో అన్నారు. శాఖల వారీగా ఆదాయ వ్యయాలను ఆయన వివరించారు. ప్రాధాన్యాలకు అనుగుణంగానే కేటాయింపులు జరుపుతున్నట్లు ఆయన తెలిపారు. కేటాయింపుల్లో సర్గుబాట్ల వల్ల కొన్ని సమస్యలు తప్పడం లేదని ఆయన చెప్పారు. వైయస్ హయాంలో చేపట్టిన ఏ ఒక్క పథకాన్ని తక్కువ చేయాలనే ఉద్దేశం తనకు లేదని ఆయన స్పష్టం చేశారు.

విద్యార్థులకు స్కాలర్ షిప్ లు, ఫీజు రీయెంబర్స్ మెంటుకు నిధులు ఏ రంగం నుంచి ఇవ్వాలో చెప్పాలని ఆయన మంత్రులను అడిారు. ఫీజు రీయింబర్స్ మెంటుపై ప్రైవేట్ ఇంజనీరింగ్ కాలేజీ యాజమాన్యాల తీరుపై ఆయన ఆగ్రహం వ్యక్తం చేశారు. దీని కోసం ఆయన మంత్రుల కమిటీని ఏర్పాటు చేశారు.